Мин — җәйләрдә,
Сагышларны әле
Оныттырыр дигән җәйләрдә.
Урманнарда йөрдем җиләк эзләп,
Печән җыйдым яшел җәйләүдә
Һәм су кердем
Үз Мүклемә кайтып —
Сагышларым алсын бу сулар.
Җәем үтә...
Әллә минем хистән
Саргайдымы шулай басулар?
Җәйнең соңгы ае.
Төннәр буе
Шыбыр-шыбыр алма коела.
Сагышланмам дигән җәйләремдә
Төшкә керми торсаң,
Төшкә керми торсаң ни була?!.
Мүкле — елга исеме.