Сабантуе — хезмәт туе,
Шатлык һәм бәхет туе,
Уйнап, җырлап, биеп, көлеп
Бәйрәм итик көн буе.
Шау-гөр килә киң болыннар,
Кырлар һәм су буйлары,
Котлы булсын, колхоздашлар,
Ямьле сабантуйлары.
Бәйрәм итик шатланышып,
Туганнар, бергә-бергә,
Безнең бергә булуыбыз
Китсен бөтен гомергә.
Безнең Ватан бер генә,
Чәчәк кенә, гөл генә,
Иң бәхетле, иң гүзәл ил
Советлар иле генә.
Шау-гөр килә киң болыннар,
Кырлар һәм су буйлары,
Котлы булсын, колхоздашлар,
Ямьле сабантуйлары.